Aktual mövzular: Dollar alış-satışı, Neftin qiyməti, COP29, Hava proqnozu

Ukrayna əks-hücum əməliyyatına başladı - “Qələbə xəbərləri olacaq”

Ukrayna əks-hücum əməliyyatına başladı - “Qələbə xəbərləri olacaq”

Tarix: 27 Mart 2022 21:00

"Ukrayna qoşunları Xarkov, Sumıda əks-hücum əməliyyatına başlayıb, həmçinin, Kiyev və Xerson vilayətlərində də bunu davam etdirir".

Milli.Az "qafqazinfo"-ya istinadən xəbər verir ki, bunu Ukrayna Prezidentinin Ofisinin rəhbərinin müşaviri Aleksey Arestoviç bu gün keçirilən brifinqdə deyib.

"Düşmənin indi iki əsas vəzifəsi var - qoşunlarımızı Birləşmiş Qüvvələr Əməliyyat zonasında mühasirəyə almaq, Mariupolun mühasirəsini başa çatdırmaq və cənubda - Xerson bölgəsində müdafiəni saxlamaq...

Əgər düşmənin cənubda müdafiə qabiliyyəti aşağı düşsə, onun Mariupol ətrafında vəziyyəti daha da pisləşəcək", - o bildirib.

Eyni zamanda, Arestoviç növbəti və ya iki həftənin "qeyri-bərabər" olacağı barədə xəbərdarlıq edib:

"Bəzi mövqelərdə qalib gəlməyimiz və əks-hücum barədə məlumatlar olacaq. İkincisi, cəbhənin bəzi istiqamətlərində, xüsusən Şərqdə vəziyyətin çətin olması barədə xəbərlər veriləcək. Və bunun üçün emosional, təşkilati və şüurlu şəkildə hazırlanmaq lazımdır".

Milli.Az


Etiketlər:  Ukrayna əks hücum əməliyyatına başladı Qələbə xəbərləri olacaq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ