Aktual mövzular: Dollar alış-satışı, Neftin qiyməti, COP29, Hava proqnozu

“Şəhərdə ukraynalıların meyitləri yoxa çıxmağa başlayıb” = Mariupol meri

Tarix: 7 Aprel 2022 23:30

Mariupolda ukraynalıların meyitləri yoxa çıxmağa başlayıb.

Bu barədə şəhər meri Vadim Boyçenko bildirib.

Onun sözlərinə görə, Rusiya ordusu bu yolla şəhərdə törətdiyi cinayətləri gizlətməyə çalışır.

Mer həmçinin əlavə edib ki, düşmən tərəfindən öldürülənlərin sayı azı 5000-dir.

"Martın 21-nə olan məlumata görə, şəhərdə ölənlərin sayını hesablamaq mümkün olanda bu rəqəm dəhşətli idi: beş min nəfər düşmən silahlarından həlak olub", - deyə o bildirib.

Boyçenko onu da vurğulayıb ki, şəhərdə hələ də kömək istəyən 100 mindən artıq yerli sakin var.

"Bizə Mariupol sakinlərinin tam təxliyəsi lazımdır. Şəhərimiz uğrunda döyüşən hərbçilərimizi xilas etmək lazımdır. Ən azı, bir neçə günlük sükut rejiminə ehtiyacımız var", - deyə Mariupol meri vurğulayıb.

Whatsapp ilə göndər