Aktual mövzular: Dollar alış-satışı, Neftin qiyməti, COP29, Hava proqnozu

''Bütün ölkəni sevindirdik'' - Dmitri Nazarov

''Bütün ölkəni sevindirdik'' - Dmitri Nazarov

Tarix: 12 Sentyabr 2019 10:44

​"Xorvatiya ilə matçda biz  böyük mübarizə apardıq və bütün ölkəni sevindirdik. Bu pozitiv hissi özümlə "Erzgebirge"yə gətirdim. Özümü yaxşı hiss edirəm. Uels və Xorvatiyaya qarşı matçlarda demək olar ki, sonadək meydanda oldum. Nəticədə vacib oyun vaxtı qazandım".

Qol.az-ın məlumatına görə, bu sözləri Almaniya ikinci Bundesliqa təmsilçisi "Erzgebirge"də oynayan millimizin üzvü Dmitri Nazarov  "Tag 24"ə açıqlamasında deyib.

O,  2-ci Bundesliqada bazar günü "Osnabrük"ə qarşı keçirəcəkləri ev matçında oynamaq istədiyini bildirib: "Özümü burada rahat hiss edirəm, mənə istədiyim sərbəstlik verilir. Yeni baş məşqçi Dirk Şusterin komandalarına qarşı oynamışam. Fikrimcə, Şuster mənim oyun keyfiyyətlərimdən xəbərdardır".

Qeyd edək ki, D. Nazarov Avro-2020-nin seçmə mərhələsində Uelsə səfər görüşündə (1:2) 86 dəqiqə meydanda olub. Xorvatiya ilə matçda (1:1) isə o, 90-cı dəqiqədə  Rəşad Eyubovla əvəzlənib.

 


Etiketlər:  Bütün ölkəni sevindirdik Dmitri Nazarov


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ