Şəxsi avtomobilin ''baqaj''ının yoxlanması qanunidir? - VİDEO

Tarix: 19 Aprel 2022 14:24

Avtomobillərin baqajları, insanların isə çantaları yoxlanılır.

Sonxeber.net Xəzər TV-yə istinadən xəbər verir ki, bəzi obyektlərin qaraj və giriş qapılarında belə hallarla qarşılaşırıq. Əksər vaxt bunun təhlükəsizlik məqsədi ilə edildiyi bildirilir. Ancaq hüquqşünas Şamil Paşayev deyir ki, qanun şəxsin razılığı olmadan onun mülkiyyətinə baxış keçirilməsinə icazə vermir. Belə yoxlamalar yalnız hüquq mühafizə orqanları əməkdaşları və məhkəmənin qüvvəyə minmiş müvafiq qərarı ilə xüsusi aparatlarla aparıla bilər.

Belə yoxlamalarcəmiyyətdə heç də birmənalı qarşılanmır. Bəzilər bunu təhlükəsizlik baxımından vacib hesab edir, bəziləri isə şəxsi əşyalarına baxış keçirilməsi ilə razılaşmır. 

Daxili İşlər Nazirliyinin mətbuat xidmətinin əməkdaşı Nurlan Əliyev bildirir ki, əməliyyat axtarış haqqında qanun şübhəli görünən hər hansı şəxsin üzərində axtarış aparılmasına icazə verir.

Nurlan Əliyev deyir ki, ciddi yoxlamalar əsasən stasionar postlarda aparılır.