Başabəla sevgi taleyi: Avropa İttifaqı Putinin ''faktiki həyat yoldaşı''nı cəzalandırmaq istəyir...

Tarix: 7 May 2022 12:00

Avropa İttifaqı keçmiş gimnast qadın, Rusiyanın "Milli Media Qrupu" mediaholdinqinin rəhbəri, Rusiya prezidenti Vladimir Putinin "faktiki həyat yoldaşı" Alina Kabayevaya qarşı sanksiyalar tətbiq etməyi təklif edib.

Sonxeber.net moderator.az-a istinadən xəbər verir ki, bu barədə "Bloomberg" nəşri məlumat yayıb.

"Milli Media Qrupu" Rusiyanın dövlət təbliğatını yayan və, demək olar ki, bütün Rusiya KİV- lərində payı olan holdinq şirkətidir.

Ona görə də Kabayeva Ukraynanın müstəqilliyi və ərazi bütövlüyünü sarsıdan hərəkətlərin dəstəklənməsinə görə məsuliyyət daşıyır", - Avropa İttifaqının sənədində deyilir.

Sənədə həmçinin qeyd edilir ki, gimnast qadın "Vladimir Putinlə sıx bağlıdır və faktiki olaraq onun mülki nikanda olan həyat yoldaşıdır".

Qeyd edilir ki, sanksiyalar sıyahısı Avropa ölkələrinin hökumətləri tərəfindən təsdiq edilməlidir və bundan öncə dəyişilə bilər .

"Bloomberg"in məlumatına görə, Avropa İttifaqının səfirləri bu gün, mayın 6- da görüşməli və Rusiyaya qarşı altıncı sanksiyalar paketini müzakirə etməlidir.

Bu paketə həmçinin ilin sonunadək Rusiya neftinin idxalının tədricən dayandırılması üzrə tədbirlər daxildir.

Xatırladaq ki, 2014- cü ildə Putinin dostu, "Rusiya" bankının direktorlar şurasının əsas səhmdarı və sabiq sədri, ABŞ, Avropa İttifaqı və bir sıra ölkələrin sanksiyaları siyahısına düşən miyardçı Yuri Kovalçuk Kabayevanı "Milli Media Qrupu"na rəhbər təyin edib.

Buna qədər Putinin sevgilisi yeddi il müddətində Rusiyanın hakim "Vahid Rusiya" partiyasından Dövlət Dumasının deputatı olub.