Aktual mövzular: Dollar alış-satışı, Neftin qiyməti, COP29, Hava proqnozu

''MLS tarixinin ən yaxşı futbolçusuyam'' - İbrahimoviç

Tarix: 17 Sentyabr 2019 21:42

“Los-Anceles Qalaksi”nin hücumçusu Zlatan İbrahimoviç özünü MLS Liqası tarixinin ən yaxşı futbolçusu hesab edir.

Qol.az xəbər verir ki, isveçli forvard bunu ESPN-nin müxbiri ilə söhbətində deyib.

- Mən indiyədək MLS Liqasında oynamış futbolçulardan ən yaxşısıyam. Zarafat etmirəm.

- Niyə belə hesab edirsiniz?

- Siz mənim MLS-də oynadığım bu iki ildə futbola baxmısınız, yoxsa İsveçdə oyunları göstərmirlər?

- Düşünmürsünüz ki, əvvəlcə MLS-in qalibi olmaq, sonra özünüzü ən yaxşı adlandırmalısınız?

- Xeyr

- Deməli, bunun üçün çempionluq lazım deyil?

- Xeyr. Siz hardansınız?

- Meksikadan.

- Onda aydındır niyə belə suallar verirsiniz...

Xatırladaq ki, 38 yaşlı İbrahimoviç bu mövsüm MLS Liqasında 25 oyuna 26 qol vurub. O, bununla bir mövsümdə MLS-də ən çox qol vuran futbolçu adına yiyələnib.