Aktual mövzular: Dollar alış-satışı, Neftin qiyməti, COP29, Hava proqnozu

Bakıda narkomanların yeni məskəni - Sakinlər hər gün bu təhlükə ilə üzləşir - VİDEO

Bakıda narkomanların yeni məskəni - Sakinlər hər gün bu təhlükə ilə üzləşir - VİDEO

Tarix: 28 May 2022 16:38

Paytaxtın Nizami rayonundakı binalardan biri narkotik istifadəçilərinin məskəninə çevrilib. Sakinlərin sözlərinə görə demək olar ki, hər gün blokdakı poçt qutuları, eləcə də su və qaz sayğaclarının içərisindən şpris tapırlar. Deyirlər ki, belə vəziyyət uzun müddətdir ki, davam edir. Artıq Daxili İşlər Nazirliyi həmin ərazini nəzarətə götürüb və oraya əlavə naryadlar təhkim edilib.

Sonxeber.net Xəzər TV-yə istinadən xəbər verir ki, paytaxtın  Nizami rayonu, Cəmşid Naxçıvanski 75 ünvanında yerləşən binanın blokları narkomanların məskəninə çevrilib. 

Sakinlərin iddialarına görə narkomanlar bloklarda müxtəlif narkotik maddələri qəbul etdikdən sonra şprisləri heç kəs görməsin deyə su və qaz sayğaclarının içərisinə atırlar. 

Sakinlərin sözlərinə görə belə vəziyyət 2 ildən çoxdur ki, davam edir və bu, onları narahat edir. 

Məsələ ilə bağlı Daxili İşlər Nazirliyindən bildirilib ki, artıq ərazi tam nəzarətə götürülüb, problem həll olunanadək həmin məkana əlavə naryad qrupları təhkim olunub.  


Etiketlər:  Bakıda narkomanların yeni məskəni Sakinlər hər gün təhlükə ilə üzləşir VİDEO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ