Narkotikə görə saxlanılan vərəm xəstəsi vəfat etdi

Tarix: 5 Iyun 2022 19:00

Keçirilən əməliyyat axtarış tədbirləri nəticəsində narkotik vasitələtin satışına və istifadəsinə görə əvvəllər dəfələrlə məhkum olunmuş Bakı şəhər sakini Ceyhun Məmmədov narkotiklərin qanunsuz dövriyyəsində şübhəli bilindiyi üçün saxlanılıb.

Bu barədə Daxili İşlər Nazirliyi məlumat yayıb.

Şəxsi axtarış zamanı ondan 4 bükümdə heroin aşkar edilərək götürülüb.

O dindirilmə zamanı narkotiklərin istifadəsi və satışı ilə məşğul olduğunu etiraf edib.

Faktla bağlı Cinayət Məcəlləsinin müvafiq maddəsi ilə cinayət işi başlanılıb və C.Məmmədov Daxili İşlər Nazirliyinin Müvəqqəti Saxlama Yerinə yerləşdirilib.

Lakin C.Məmmədovun uzun müddətdir vərəm və hepatit xəstəliklərindən əziyyət çəkdiyi müəyyən edildiyindən o, xəstəxanaya yerləşdirilib, həkimlərin səyinə baxmayaraq orada vəfat edib.