Aktual mövzular: Dollar alış-satışı, Məzənnə, Neftin qiyməti

Təzyiqi sabitləşdirən, əsəb gərginliyini aradan qaldıran bitki çayları

Tarix: 18 Iyun 2022 20:34

Bitki çayları, valerian, kalendula və ya itburnu həlimləri insana qan təzyiqini sabitləşdirməyə kömək edə bilər. Bundan əlavə, bu sadə və zərərsiz içkilər yuxunun keyfiyyətinə və sinir sisteminə yaxşı təsir göstərir.

Milli.Az publika.az-a istinadən xəbər verir ki, bu sözləri kardioloq, Rusiyanın əməkdar həkimi Yuri Serebryanski deyib.

"Valerian kökündən həlim hazırlaya, ya da kalenduladan çay dəmləyə bilərsiniz. Bunlar zərərsiz, eyni zamanda faydalı içkilərdir. Hamısı sinir sistemi və qan təzyiqini sabitləşdirir, yuxunu yaxşılaşdırır və əsəb gərginliyini azaldır", - mütəxəssis "Moskva 24" telekanalına müsahibəsində bildirib.

O qeyd edib ki, qızılgül çayı da çoxşaxəli təsir göstərir. O, nəinki təzyiqi sabitləşdirir, həm də damarlara, immunitetə və sinir sisteminə faydalı təsir göstərir. Serebryanski əlavə edib ki, nanə, qarağat və limon balzamı ilə çaylar da sağlamlıq üçün faydalıdır.

Milli.Az

Whatsapp ilə göndər