Aktual mövzular: Dollar alış-satışı, Neftin qiyməti, COP29, Hava proqnozu

“Məndə sığar iki cahan...” rəsm müsabiqəsinə yekun vurulub

Tarix: 1 May 2019 13:35

Bakı. Trend:

Azərbaycanın dahi şairi və və mütəfəkkiri İmadəddin Nəsiminin 650 illik yubileyi ilə əlaqədar Əmək və Əhalinin Sosial Müdafiəsi Nazirliyi tərəfindən əlilliyi olan şəxslər və sağlamlıq imkanları məhdud uşaqlar arasında keçirilən “Məndə sığar iki cahan” adlı rəsm müsabiqəsinə yekun vurulub.

Nazirlikdən Trend-ə verilən məlumata görə, müsabiqədə iştirak etmək istəyənlər Nəsiminin həyat və yaradıcılığına həsr olunmuş rəsm əsərlərini [email protected] ünvanına göndəriblər. Həmin əsərlər nazirliyin (sosial.gov.az) #Instagram səhifəsində yerləşdirilib. Əvvəlcədən də elan olunan müsabiqə şərtinə uyğun olaraq, qalibləri Instagram istifadəçiləri özləri müəyyən ediblər.

Beləliklə, Instagram istifadəçiləri təqdim olunan 14 rəsm əsərinə münasibətlərini bildiriblər və həmin rəsmlərdən ən çox bəyənilən 3 rəsm müəyyən olunub. Onların müəllifləri sağlamlıq imkanları məhdud gənclər olan Qorxmaz Mustafayev (I yer), Asif Qasımov (II yer) və Nisə Cəfərovadır (III yer).

Trend-in ən mühüm və maraqlı xəbərlərini "Telegram"da izləyin

Whatsapp ilə göndər