Aktual mövzular: Dollar alış-satışı, Məzənnə, Neftin qiyməti

Nazir müavini: Bu il 233 sahibkara 34,3 milyon manat güzəştli kredit verilib

Nazir müavini: Bu il 233 sahibkara 34,3 milyon manat güzəştli kredit verilib

Tarix: 1 May 2019 16:33

Bakı. Ayşəm Rüstəmova - Trend:

Azərbaycanda 2016-cı ildə tətbiq olunan investisiya təşviqi mexanizmi qeyri-neft sektorunda özəl investisiyaların artımına ciddi töhfə verib.

Trend-in məlumatına görə, bunu İqtisadiyyat nazirinin müavini Niyazi Səfərov deyib.

O qeyd edib ki, indiyədək 362 layihəyə investisiya təşviqi sənədi verilib: “Azərbaycanın 8 iqtisadi rayonunu əhatə edən bu layihələrə 3,1 milyard manata qədər investisiya yatırılması və 23,7 minədək yeni iş yerinin açılması nəzərdə tutulub”.

Onun sözlərinə görə, eyni zamanda indiyədək 35 min 800 dən çox sahibkara 2,3 milyard manatadək güzəştli kredit verilib. Bu kreditlər hesabına 166 minə yaxın yeni iş yerinin açılması imkanı yaranıb.

Nazir müavini qeyd edib ki, 2019-cu ilin ötən dövrü ərzində 233 sahibkara 34,3 milyon manat güzəştli kredit verilib.

Qeyd edək ki, investisiya təşviqi sənədi sahibkarlara bir çox vergi və gömrük güzəştləri əldə etməyə, o cümlədən 7 il müddətinə gömrük rüsumdan, əmlak və torpaq vergisindən azad olmağa imkan yaradır.


Etiketlər:  Nazir müavini Bu il 233 sahibkara 343 milyon manat güzəştli kredit verilib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ