Aktual mövzular: Dollar alış-satışı, Məzənnə, Neftin qiyməti

ABŞ bu ölkənin 7 milyard dollara yaxın aktivlərini qaytarmayacaq

ABŞ bu ölkənin 7 milyard dollara yaxın aktivlərini qaytarmayacaq

Tarix: 15 Avqust 2022 20:22

ABŞ Prezidenti Cozef Baydenin administrasiyası Əfqanıstan Mərkəzi Bankının ABŞ-da saxlanılan, təxminən, 7 milyard dollarlıq aktivlərini qaytarmamaq qərarına gəlib və bu məsələ ilə bağlı "Taliban"la danışıqları dayandırıb.

Milli.Az "report"a istinadən bildirir ki, bu barədə "The Wall Street Journal" məlumat yayıb.

Nəşrin məlumatına əsasən, Əfqanıstanda "Əl-Qaidə" terror təşkilatının lideri Ayman əl-Zəvahiri öldürüldükdən sonra ABŞ "Taliban" radikal hərəkatının rəhbərlik etdiyi Əfqanıstan hökuməti ilə aktivlərin qaytarılması ilə bağlı danışıqları dayandırıb.

Bundan başqa, ABŞ tərəfi Əfqanıstan iqtisadiyyatını sabitləşdirmək üçün vəsaitin bir hissəsinin yardım və digər əməliyyatlar üçün istifadəsini istisna edib.

Nəşr qeyd edir ki, hazırda Əfqanıstan Mərkəzi Bankının inflyasiyanın qarşısını almaq, məzənnəni sabitləşdirmək və "qeyri-sağlam iqtisadiyyatı" dirçəltmək üçün dondurulmuş xarici aktivlərə ehtiyacı var.

Milli.Az


Etiketlər:  ABŞ bu ölkənin 7 milyard dollara yaxın aktivlərini qaytarmayacaq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ