Aktual mövzular: Dollar alış-satışı, Neftin qiyməti, COP29, Hava proqnozu

Zelenski Rusiyaya danışıqların pozula biləcəyi barədə xəbərdarlıq edib

Tarix: 22 Avqust 2022 08:44

Mariupol şəhərində Rusiya tərəfindən məhkəmə baş tutsa, danışıqlar aparılmayacaq.

Sonxeber.net "report"a istinadən bildirir ki, belə bir xəbərdarlıqla Ukrayna Prezidenti Volodimir Zelenski son videomüraciətində çıxış edib.

Dövlət başçısı vurğulayıb ki, indi mediada Rusiyanın zəbt olunmuş Mariupolda əsir düşmüş ukraynalı əsgərlərin məhkəməsini təşkil etmək istəməsi barədə getdikcə daha çox məlumat yayılır.

Dövlət başçısı qeyd edib ki, düşmənin planları nə olursa-olsun, Ukraynanın reaksiyası tamamilə başa düşüləndir.

"Əgər həmin iyrənc məhkəmə baş tutsa, xalqımız bütün razılaşmalara, bütün beynəlxalq qaydalara zidd olaraq bu mənzərəyə sürüklənsə, bu, istehza olacaq. Bu, heç bir danışığınn mümkün olmadığı xətt olacaq", - Zelenski vurğulayıb.

Prezidentin sözlərinə görə, Rusiya özünü danışıqlardan uzaqlaşdıracaq. O vurğulayıb ki, "daha danışıqlar olmayacaq, Ukrayna dövləti hər şeyi deyib".

Whatsapp ilə göndər