Aktual mövzular: Dollar alış-satışı, Neftin qiyməti, COP29, Hava proqnozu

Balıq tutmağa 5 yaşlı qızı ilə getdi, axşam isə...

Tarix: 31 Avqust 2022 13:16

Rusiyada Orenburq vilayətinin Buzuluk şəhər sakini balıq tutarkən beş yaşlı qızını unudub.

Sonxeber.net bildirir ki, bu haqda Daxili İşlər Nazirliyinin mətbuat xidməti xəbər verib.

Yerli sakin olan qadın polisə müraciət edib. Ana kiçik qızının yoxa çıxmasından danışıb. Onun sözlərinə görə, ər səhər qızla balıq tutmağa gedib, axşam isə uşaqsız və maşınsız qayıdıb.

"Ailə başçısı uşağın və maşının harada olduğunu xatırlaya bilməyib. Həm də polis əməkdaşlarına evə necə qayıtdığını izah edə bilməyib", - deyə idarədən bildiriblər.

Hüquq-mühafizə orqanlarının əməkdaşları uşağın axtarışını təşkil edib, o, Buzuluk mikrorayonlarından birində avtomobildə yatarkən tapılıb. Qız polis bölməsində anasına təhvil verilib.

İrfan Vəliyev

Whatsapp ilə göndər