Elektrik 200 rəqibini məğlub edərək adanın kralı oldu

Tarix: 10 Sentyabr 2022 18:38

Böyük Britaniyadan olan elektrik bir mehmanxanası və qədim qalası olan kiçik Pil adasının kralı oldu.

Sonxeber.net bildirir ki, bu barədə "The Mirror" məlumat yayıb.

33 yaşlı Aaron Sanderson Uolni adasındandır. O, "Ship Inn"in mehmanxanasının meneceri və Kambriya qraflığında kiçik Pil adasının hökmdarı olmaq üçün dünyanın hər yerindən olan 200 rəqibini məğlub edib. Kişi ilin əvvəlində yeni "Pil adasının kralı" olmaq üçün müraciət edib. Monarxın vəzifələrinə 300 ildən çox əvvəl meydana çıxdığı güman edilən məşhur mehmanxananı idarə etmək və on il adada asayişi qorumaq daxildir. Adada həmçinin 900 illik qala xarabalığı, meşəlik və səkkiz şəxsi kottec var.

Mərasim zamanı Sandersonun üstünə pivə töküblər, sonra o dəbilqə taxıb və yüzlərlə qonağın qarşısında pivə çəllək taxtına oturub. Əvvəlki monarx Rod Skarr bu adama hökmranlıq etmək üçün qılınc verib. İndi Sanderson adaya xeyir verənləri cəngavər etmək hüququna malikdir. Pil adasının kralını seçmək ənənəsi 19-cu əsrin birinci yarısında yaranıb.

Britaniyalı heç vaxt kral seçiləcəyini düşünmədiyini, lakin yeni rolu bəyəndiyini bildirib. "Bir neçə aylıq bir dövr var idi ki, mən "Ah, mən bir ada aldım, indi nə edim?" deyirdim. Ancaq indi səhərlər girişin qarşısında bir stəkan pivə ilə otururam və bu, mənim şəxsi cənnət parçam kimi görünür", - britaniyalı deyib.

Vəzifə uğrunda böyük rəqabətə baxmayaraq, ada ilə sıx əlaqələr olması Sandersonu ideal namizəd edib. "Uşaq vaxtı burada gəzintiyə çıxmışdım və ümumiyyətlə, uzun müddət mütəmadi olaraq buranı ziyarət etmişəm", - o deyib.

Adaya 15 dəqiqəlik bərə ilə və ya su azalan zamanı piyada getmək olar. Sanderson etiraf edib ki, buna görə bizneslə məşğul olmaq o qədər də asan deyil, çünki bütün nəqliyyatı dəqiq planlaşdırmaq lazımdır. Bundan əlavə, o, bir monarx olaraq, təkcə meyxananın ziyarətçilərinə deyil, həm də mülkünün digər sakinlərinə qayğı göstərməlidir.

İrfan Vəliyev