Aktual mövzular: Dollar alış-satışı, Neftin qiyməti, COP29, Hava proqnozu

Mətbuat Şurası İdarə Heyətinin tərkibində dəyişiklik oldu

Mətbuat Şurası İdarə Heyətinin tərkibində dəyişiklik oldu

Tarix: 25 Sentyabr 2022 15:16

Mətbuat Şurasının İdarə Heyətinin tərkibində dəyişiklik olub.

Sonxeber.net APA-ya istinadən bildirir ki, İdarə Heyətinə üzv seçilmiş Niyaz Niftiyev ərizə ilə sədr Rəşad Məcidə müraciət edib.

O, işlərinin çox olması səbəbindən İdarə Heyətinin işində iştirak edə bilməyəcəyini deyib və üzvlükdən imtina edib.

Mətbuat Şurası İdarə Heyəti Niyaz Niftiyevin müraciətini müzakirə edərək, qərar qəbul edib. Jurnalistlərin VIII qurultayında namizədlər arasında olan və N.Niftiyevdən bir səs az toplamış Yeganə Hacıyeva isə İdarə Heyətinin üzvləri sırasına daxil edilib.

Qeyd edək ki, sentyabrın 24-də Azərbaycan Jurnalistlərinin VIII qurultayı keçirilib. Qurultayda 23 nəfərdən ibarət İdarə Heyəti seçilib.

Mətbuat Şurasının sədri vəzifəsinə isə Rəşad Məcid seçilib.


Etiketlər:  Mətbuat Şurası İdarə Heyətinin tərkibində dəyişiklik oldu


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ