Aktual mövzular: Dollar alış-satışı, Neftin qiyməti, COP29, Hava proqnozu

ABŞ Rusiyaya növbəti sanksiya tətbiq etdi

Tarix: 20 Oktyabr 2022 08:44

ABŞ hökuməti Rusiyanın bir vətəndaşına, həmçinin Almaniya və Birləşmiş Ərəb Əmirliklərində yerləşən iki şirkət daxil olmaqla Rusiya əleyhinə növbəti sanksiyaları tətbiq edib.

Sonxeber.net axar.az-a istinadən bildirir ki, bu barədə ABŞ Maliyyə Nazirliyi məlumat yayıb.

Qeyd olunub ki, həmin şəxs və şirkətlər Amerika istehsalçılarından hərbi və milli təhlükəsizliyə həssas ikili istifadə texnologiyalarının alınması və onların Rusiyada son istifadəçilərə çatdırılması ilə məşğul olub.

Məhdudiyyətlər Yuri Orexovaya məxsus "Nord-Deutsche Industrieanlagenbau GmbH" və "Opus Energy Trading LLC" şirkətlərinə qarşı tətbiq edilib.

Sanksiya siyahısına düşmək ABŞ-dakı aktivlərin dondurulması, Amerika vətəndaşlarına və ya şirkətləri ilə iş aparmasına qadağa qoyulması deməkdir.

Whatsapp ilə göndər