İranda həbs olunan Fransa vətəndaşları casusluqda ittiham olunur

Tarix: 25 Oktyabr 2022 13:24

"Bu iş istintaq mərhələsindədir. İş üzrə həbs edilənlərə sui-qəsd, sövdələşmə, ölkənin təhlükəsizliyinə qarşı fəaliyyət və casusluq üzrə ittihamlar irəli sürülüb".

Milli.Az APA-ya istinadən bildirir ki, bu barədə İranın Ədliyyə Nazirliyinin sözçüsü Məsud Setayişi bugünkü mətbuat konfransında həbs olunan Fransa vətəndaşları barədə danışarkən deyib.

Onun sözlərinə görə, təqsirləndirilən şəxslərdən strateji məlumatlar əldə edilib: "İşin araşdırılması hələ də ədliyyə orqanlarının xüsusi təy gündəmindədir. Tədqiqatlar davam edir".

Nazirlik rəsmisi Evin həbsxanasında baş verən hadisəyə də münasibət bildirib. O diqqətə çatdırıb ki, hadisə ilə bağlı Tehran Baş prokurorluğunda iş qaldırılıb, cinayət törətmiş şəxslər müəyyən edilib və onlara qarşı ittiham irəli sürülüb: "Faktla bağlı araşdırma aparılır və araşdırmanın nəticəsi gələcəkdə açıqlanacaq. Bəzi məhbuslar həbsxananı tərk etməyə çalışsalar da, heç bir məhbus Evindən qaça bilməyib. Hadisə nəticəsində 8 nəfər ölüb. Eyni zamanda, 25 nəfərə cinayət işi açılıb".

Nazirlik sözçüsü ölkədəki iğtişaşlarla bağlı həbslərə görə məhkəmə prosesləri başlayıb: "Əsasən Tehran, Əlburz, İsfahan və Kürdüstan bu sahədə qabaqcıl olub. Prokurorluqdan işlər məhkəməyə göndəriblər. Demək olar ki, son etirazlarda həbs olunan tələbələr azadlığa buraxılıb və onların az hissəsi həbsdədir".

Milli.Az