Pişik dişlədi, öldü - VİDEO

Tarix: 16 Dekabr 2022 20:22

Danimarka sakini, 33 yaşlı Henrik Krigbaum Plettner sevimli pişiyi dişlədikdən sonra yaranan infeksiyadan ölüb.

Sonxeber.net bildirir ki, bu barədə "Daily Mail" məlumat yayıb.

Plettner pişiyi balaları ilə birlikdə sığınacaqdan gətirib. Bir dəfə kişi pişik balasını əlinə götürüb və pişik onun şəhadət barmağından dişləyib. Sahibi əlinin çox şişdiyini öyrənənə qədər buna çox əhəmiyyət verməyib. O, həkimi çağırıb, amma kişiyə deyiblər ki, sabaha qədər gözləməlidir. Plettnerin səhhəti pisləşib və o, xəstəxanaya yerləşdirilib.

Kişi bir ay xəstəxanada yatıb və 15 əməliyyat keçirib. Dörd aydan sonra həkimlər Plettnerin barmağını işləmədiyi üçün amputasiya etmək qərarına gəliblər. Ancaq bu, insanı xilas edə bilməyib - vəziyyəti pisləşməyə davam edib. Plettnerin anası deyib: "Onun zəif immun sistemi, pnevmoniyası və diabeti olub. Müayinədən sonra məlum olub ki, kişi dərialtı yumşaq toxumaların həyati təhlükəsi olan nekrotik fassiit xəstəliyinə tutulub.

İnfeksiya dişləmə ilə Plettnerin qanına daxil olub və bütün bədənə yayılıb. Kişini xilas etmək mümkün olmayıb və o, ölüb. "Onun özünü yaxşı hiss etmədiyini bilirdik. Lakin onun ağır xəstə olmasından şübhələnməyiblər. Bir dişləmədən sonra həkimə müraciət edin, bunun yalnız bir pişik dişləməsinə bədənin reaksiyası olduğunu düşünməyin. Risk etməyin", - Plettnerin həyat yoldaşı deyib.

Nekrotik fassiit "Streptococcus pyogenes" və ya "Clostridium perfringens" bakteriyalarının yaratdığı nadir, lakin çox təhlükəli infeksiyadır. Bədənin yumşaq toxumalarına təsir göstərir, ən çox da əzalar təsirlənir.

İrfan Vəliyev