Aktual mövzular: Dollar alış-satışı, Məzənnə, Neftin qiyməti

Rusiyadan etiraz yaradan təklif – Separatçını BMT kürsüsünə çıxarmaq istədi

Rusiyadan etiraz yaradan təklif – Separatçını BMT kürsüsünə çıxarmaq istədi

Tarix: 18 Mart 2023 23:28

BMT Təhlükəsizlik Şurası Ukraynanın işğal edilmiş Donetsk vilayətindəki separatçı rejimin "ombudsman"ı Darya Morazovanın şurada çıxış etməsi təklifini rədd edib.

Milli.Az teleqraf.com-a istinadən xəbər verir ki, Rusiyanın tələbi ilə toplanan BMT TŞ-nin 15 üzvündən 8-i təklifin əleyhinə səs verdiyi halda, Rusiya nümayəndə heyəti də daxil olmaqla, yalnız 4-ü lehinə səs verib, 3 üzv bitərəf qalıb.

ABŞ-ın BMT-dəki daimi nümayəndəsi Linda Tomas-Qrinfild Morazovanın şurada çıxış istəyi ilə bağlı belə deyib:

"Bu, Rusiyanın (Ukrayna ərazisini) qeyri-qanuni ilhaq səylərini qanuniləşdirmək və qeyri-legitim hakimiyyətin tanınmasını dolayısı ilə genişləndirmək üçün açıq cəhddir. Şuranın qondarma Donetsk Xalq Respublikasının ombudsmanı olduğunu iddia edən hər hansı bir şəxsi dəvət etməsi yersizdir".

"Ombudsman"ın dinlənilməsini istəyən Rusiyanın BMT-dəki daimi nümayəndəsi Vasili Nebenziya isə "Donbasdakı fəlakətli humanitar vəziyyət" haqda birinci əldən məlumat almaq imkanı vermək ideyası ilə Morozovanı şuraya dəvət etməyi təklif etdiklərini bildirib.

Rusiya nümayəndəsi deyib ki, Morozovanın çıxışı "ifadə azadlığı məsələsi"dir.

Milli.Az


Etiketlər:  Rusiyadan etiraz yaradan təklif Separatçını BMT kürsüsünə çıxarmaq istədi


RƏYLƏR



Populyar Xəbərlər

XƏBƏR LENTİ