Aktual mövzular: Dollar alış-satışı, Məzənnə, Neftin qiyməti

"Bir gün gerçəkləri bilib, məni başa düşəcəksiniz"

Tarix: 3 Iyul 2023 20:00

"Müğənni Natavan Həbibi izləyicilərinin onun ünvanına yazdığı tənqidlərə cavab verib.

Milli.Az axşam.az-a istinadən bildirir ki, sosial şəbəkə istifadəçiləri sənətçinin paylaşımına niyə verilişlərə çıxmamasına görə qınayıblar.

Natavan "Sizi "qara siyahı"ya atmışam. Sevənlərinizin qədrini bilmirsiniz. Ancaq yutub, instaqram və səhnə aldığınız restoranlarla kifayətlənmək nə dərəcədə düzgündür? Kənara çəkilməyə haqqınız yoxdur. Seçilmiş verilişlərə çıxın" sözlərinə "Vay... Baş üstə, nə deyim. O seçilmiş verilişin adını çəkin gedək. Övladınız da məni tanısın, dinləsin deyə, əslində elə hərdən bir mahnı oxuyub, klip çəkirik. Yoxsa o da olmazdı. Məni göstərin uşaqlara, "qara siyahı"ya qoymayın. Var olun. Sevirəm sizi də, məni dinləyən də hər bir kəsi də. Bir bilsəniz işin, vəziyyətin əsli nədir" cavabını verib.

Sənətçi "Gözəl səsiniz var. Tənbəl olmasa, Röya kimdir onun yanında" şərhinə isə "Əgər bu tənbəllik olsaydı... İnanıram ki, bir gün gerçəkləri biləndə məni başa düşəcəksiniz. Heç nə belə asan deyil" reaksiyasını verib.

Milli.Az

Whatsapp ilə göndər