Aktual mövzular: Dollar alış-satışı, Məzənnə, Neftin qiyməti

Türkiyədə daxili aviareyslər kəskin bahalaşdı

Tarix: 20 Iyul 2023 10:30

Türkiyənin aviasiya şirkətləri türk milli valyutasının rekord dəyərdən düşməsinin ertəsi günü, daxili reyslər üçün biletlərin qiymətinin yeni maksimum səviyyəsini təyin ediblər.

Hökumət ölkə daxilində birtərəfli aviadaşıma üçün yeni qiymət həddi təyin edib - 1650 lirə (61 dollar).

Milli.Az Editor.az-a istinadən bildirir ki, bu barədə "Cümhuriyyət" qəzeti yazıb. Nəşr qeyd edir ki, bu qərara vergilərin artması, eləcə də milli valyutanın dəyərdən düşməsi səbəb olub. Lakin ölkə aviaşirkətlərinin qiymətləri tənzimləmə sürəti təəccüblüdür: yaxın tarixlər və hətta avqustun sonları kimi uzaq tarixlər üçün bir istiqamətə biletlər 1650 lirəyə satılır.

Özü də bu vəziyyət yalnız "Türk Hava Yolları"nda deyil, həm də ucuz "AnadoluJet"də müşahidə edilir. Maraqlıdır ki, yeni qiymət həddi tətbiq olunana qədər aviabiletlərin qiymətləri daşıma sinfindən, yola düşmə və bronlaşma vaxtından asılı olaraq fərqlənirdisə, indi bu fərq keçmişdə qalıb. Xatırladaq ki, Türkiyə milli valyutası bir dollar üçün 27 lirədən də çox təşkil etməklə yeni tarixi minimum müəyyənləşdirib.

Milli.Az

Whatsapp ilə göndər