İsrail HƏMAS-ın hərbi infrastrukturuna zərbələr endirdi - VİDEO

Tarix: 7 Oktyabr 2023 16:14

İsrail ordusu HƏMAS-ın 17 hərbi infrastrukturuna və 4 əməliyyat idarəetmə mərkəzinə zərbələr endirib.

Sonxeber.net report-a istinadən xəbər verir ki, bunu İsrail Müdafiə Ordusunun (ÇAXAL) mətbuat xidməti məlumat verib.

Məlumatda bildirilib ki, İsrailin Hərbi Hava Qüvvələri Qəzza zolağında yerləşən hədəfləri vurub: "Son bir neçə saat ərzində onlarla döyüş təyyarəsi Qəzza zolağında HƏMAS terror təşkilatına məxsus 17 hərbi hədəfə və 4 əməliyyat idarəetmə mərkəzinə zərbələr endirib".

Xatırladaq ki, oktyabrın 7-də səhər saatlarında Qəzza zolağından radikallar İsrail ərazisinə raket zərbələri endirib. Fələstin tərəfinin kütləvi raket atəşinə cavab olaraq, İsrail ordusu "Dəmir qılınclar" əməliyyatına başladığını elan edib.