Aktual mövzular: Dollar alış-satışı, Məzənnə, Neftin qiyməti

Nazir məşhur Xalq artistinin evinə niyə getdi? - FOTO

Nazir məşhur Xalq artistinin evinə niyə getdi? - FOTO

Tarix: 24 Oktyabr 2023 20:24

Azərbaycanın mədəniyyət naziri Adil Kərimli bu gün görkəmli muğam ustadı, bu il anadan olmasının 85 illiyi qeyd olunan Xalq artisti, Prezident təqaüdçüsü Arif Babayevi evində ziyarət edib.

Milli.Az xəbər verir ki, bu haqda Mədəniyyət Nazirliyi məlumat yayıb.

Bildirilib ki, nazir Arif Babayevin əlamətdar yubileyinin müxtəlif tədbirlərlə qeyd edildiyini deyib, Prezident İlham Əliyevin 21 fevral 2023-cü il tarixli sərəncamı ilə onun "Azərbaycan Respublikası Prezidentinin fəxri diplomu"na layiq görülməsinin sənətkarın fəaliyyətinə göstərilən diqqətin təzahürü olduğunu vurğulayıb. 

Sonra dövlət təltifi xanəndəyə təqdim edilib.

Arif Babayev sənətinə verilən yüksək qiymətə və Azərbaycan muğamının inkişafına göstərdikləri diqqət və qayğıya görə Prezident İlham Əliyevə və Birinci vitse-prezident Mehriban Əliyevaya minnətdarlığını bildirib.

Milli.Az


Etiketlər:  Nazir məşhur Xalq artistinin evinə niyə getdi FOTO


RƏYLƏR



Populyar Xəbərlər

XƏBƏR LENTİ