Aktual mövzular: Dollar alış-satışı, Məzənnə, Neftin qiyməti

Uşaq Filarmoniyasında "Zəfər" festivalı çərçivəsində konsert keçirildi - FOTO

Tarix: 6 Noyabr 2023 14:57

Mədəniyyət Nazirliyinin təşkilatçılığı ilə 8 Noyabr - Zəfər Günü münasibətilə keçirilən "Zəfər" musiqi və teatr festivalı silsilə tədbirlərlə davam edir. Festivalın növbəti musiqili tədbiri Azərbaycan Dövlət Uşaq Filarmoniyasında keçirilib.

Gecədə Dövlət Uşaq Filarmoniyasının "Şəms" uşaq xoru, vokal sinifi, "Sədəf" xalq çalğı alətləri ansamblı, oğlan və qızlardan ibarət rəqs kollektivləri çıxış edib.

Konserti mədəniyyət, incəsənət xadimləri, şəhid, qazi övladları və digər qonaqlar izləyiblər.

Əvvəlcə şəhidlərin əziz xatirəsi bir dəqiqəlik sükutla yad edilib.

Daha sonra konsert proqramı təqdim olunub.

Proqramda "Qaytağı", "Nəlbəki", "Şuşanın dağları", "Şələqoy", "Qaval", "Lakkuti", "Şənlik", "Yaşa" rəqsləri, "Bayatı-Şiraz", "Söz olmasaydı", "Bulaq üstə", "Qarabağ", "Ey Azərbaycanım" və digər musiqilər ifa edilib.

Konsert tamaşaçılar tərəfindən alqışlarla qarşılanıb.

Milli.Az

Whatsapp ilə göndər