Aktual mövzular: Dollar alış-satışı, Neftin qiyməti, COP29, Hava proqnozu

41 inşaatçı 11 gündür tunelin dağıntıları altında qalıb

41 inşaatçı 11 gündür tunelin dağıntıları altında qalıb

Tarix: 24 Noyabr 2023 14:42

Hindistanın Uttarkand əyalətinin kiçik Uttarkaşi şəhərində dağılmış yol tunelindən inşaatçıların xilas edilməsi əməliyyatı 11-ci gündür ki, davam edir.

Sonxeber.net oxu.az-a istinadən bildirir ki, inşaatçılar inşa etdikləri 4,5 kilometrlik yeraltı tunelin bir hissəsinin sürüşmə nəticəsində uçmasından sonra dağıntılar altında qalıblar. İnsident noyabrın 12-də baş verib.

Tikinti dağlıq ərazilərdə getdiyindən işçiləri tuneldən çıxarmaq çox çətindir. Qazma qurğuları artıq bir neçə dəfə xarab olub, hətta onlardan biri artıq sıradan çıxıb.

Buna baxmayaraq, xilasedicilər kiçik diametrli boru vasitəsilə inşaatçılara oksigen verilməsini təmin edə biliblər. Noyabrın 20-dən etibarən daha enli yeni boru vasitəsilə onlara düyü və mərcimək olmaqla isti yemək verilməyə başlayıb. İşçilər qohumları ilə smartfon və videozənglər vasitəsilə əlaqə saxlayırlar.

Xilasedicilər artıq 46 metr dərinliyə çatıblar. İnşaatçıları xilas etmək üçün isə hələ 12 metr qalıb.


Etiketlər:  inşaatçı gündür tunelin dağıntıları altında qalıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ