Aktual mövzular: Dollar alış-satışı, Neftin qiyməti, COP29, Hava proqnozu

Füzuli sakini: Uzun illər ayrı qaldığımız doğma yurdumuza qayıdırıq

Tarix: 7 Dekabr 2023 07:36

Mən bu günə kimi Qaradağ rayonunun Sahil qəsəbəsindəki yataqxanada məskunlaşmışdım. Amma artıq məcburi köçkünlük həyatı sona çatdı, uzun illər ayrı qaldığımız doğma yurdumuza qayıdırıq.

Sonxeber.net AZƏRTAC-a istinadən bildirir ki, bu sözləri doğma yurduna qayıdan Füzuli sakini Xatın Şirinova söyləyib.

O, 1992-ci ildə məcburi köçkün düşdüyünü xatırladıb: "Füzuliyə yoldaşımla birlikdə qayıdırıq, uşaqlarım isə avqust ayında gediblər. 64 yaşımda doğulub boya-başa çatdığım yerlərə qayıtdığım üçün çox sevinirəm".

Xatın Şirinova onlara yaradılan şəraitə görə, dövlətimizin başçısına minnətdarlığını bildirib. Torpaqlarımızın işğaldan azad edilməsində əməyi olan hər kəsə təşəkkür edib, şəhidlərə rəhmət diləyib.

Whatsapp ilə göndər