Aktual mövzular: Dollar alış-satışı, Neftin qiyməti, COP29, Hava proqnozu

Azərbaycan prezident seçkilərini müşahidə etmək üçün bu təşkilata dəvət göndərdi

Tarix: 19 Dekabr 2023 14:00

Azərbaycan hökuməti növbədənkənar prezident seçkilərinin müşahidəsi üçün ATƏT-in Demokratik Təsisatlar və İnsan Haqları Bürosuna (DTİHB) dəvət göndərib.

Sonxeber.net xəbər verir ki, bu barədə APA-nın sorğusuna cavab olaraq ATƏT DTİHB-nin mətbuat katibi bildirib.

Seçkiqabağı mühiti və səsvermə gününə hazırlığı qiymətləndirmək üçün seçki gününə bir müddət qalmış seçkinin keçirilməli olduğu ATƏT ölkələrinə səfərlərin baş tutduğunu deyən ATƏT DTİHB-nin rəsmisi belə səfərlər zamanı mühiti qiymətləndirmək üçün hökumət rəsmiləri, seçki administrasiyası, ədliyyə sisteminin təmsilçiləri, siyasi partiyalar, vətəndaş cəmiyyətinin nümayəndələri və media da daxil olmaqla, geniş kütlə ilə görüşlər keçirildiyini deyib.

"Hər bir seçki müşahidəsinə ilkin ehtiyacların qiymətləndirilməsindən sonra öz mahiyyəti üzrə qərar verilir.

DTİHB-nin Azərbaycanda qarşıdan gələn seçkilərlə bağlı ehtiyacların qiymətləndirilməsi hesabatı yaxın günlərdə dərc ediləcək", - o əlavə edib.

Whatsapp ilə göndər