ABŞ-da ilk dəfə qeyri-insani ölüm cəzası metodundan istifadə ediləcək

Tarix: 5 Yanvar 2024 08:00

ABŞ-da ilk dəfə olaraq edam cəzası azot inhalyasiyası ilə həyata keçiriləcək.

Sonxeber.net report.az-a istinadən xəbər verir ki, azot qazı ilə edam ediləcək ilk məhbus 58 yaşlı Kennet Smit olacaq.

O, 1988-ci ildə sifarişli qətl törətməkdə təqsirli bilinib.

Edamın 2024-cü il yanvarın 25-də Alabama Ştat Penitensiarında həyata keçirilməsi planlaşdırılır. Məhkumun üzünə qaz balonuna qoşulmuş maska ​​taxılacaq.

BMT-nin dörd xüsusi məruzəçisi bəyanatda bu növ edamın beynəlxalq konvensiyaya zidd olduğunu bildirib.

Ekspertlər vurğulayıb ki, ABŞ hakimiyyətini azot qazından istifadə etməklə məhbusa qarşı qəddar, qeyri-insani və ya ləyaqətini alçaldan addım atır.

Qeyd edək ki, bu edam növü ilə məhbusa yalnız azotla nəfəs almağa icazə verilir, onu oksigendən məhrum edir. Hazırda ABŞ-ın üç ştatında bu cəza üsuluna icazə verilir, lakin praktiki olaraq heç vaxt istifadə olunmayıb.