Azərbaycan kubokunun püşkündə qəribə məqam

Tarix: 14 Noyabr 2019 15:08

Dünən Peşəkar Futbol Liqası 2019/20 mövsümü üçün Azərbaycan kubokunun püşkatma mərasimi keçirdi. Ötən il olduğu kimi, yarışda 12 komanda oynayacaq. Bu dəfəki püşkatma bir maraqlı və sual (şübhə) doğuran məqamla diqqət çəkib.

Qol.az kiçik araşdırması zamanı müəyyən edib ki, əgər 1/8 final cütünün qalibləri Premyer Liqada yarışacaq komandalar olsa (böyük ehtimalla da belə olacaq) bu zaman Azərbaycan kubokunda 1/4 finalında ötən ilki kimi eyni cütlüklər qarşılaşacaq.

Qeyd edək ki, ötən il 1/8 finaldan sonra 1/4 finalda aşağıdakı cütlüklər yaranmışdı:

“Qarabağ” – “Keşlə”
“Neftçi” – “Sumqayıt”
“Zirə” – “Səbail”
“Qəbələ” – Sabah”

2019/20 mövsümünün püşkünün nəticəsinə əsasən, 1/8 finalda aşağdakı cütlüklər qarşılaşacaq:

1. “Sabah” - “Ağsu”
2. “Qaradağ Lökbatan” - “Zirə”
3. “Sumqayıt” - “Zaqatala”
4. “Keşlə” - “Kəpəz”

1/4 finalda isə aşağıdakı cütlüklər qarşılaşacaq:

5. “Qəbələ” - 1-ci cütün qalibi
6. “Səbail” - 2-ci cütün qalibi
7. “Neftçi” - 3-cü cütün qalibi
8. “Qarabağ” - 4-cü cütün qalibi

Beləliklə, əgər 1/8 finalda Premyer Liqa təmsilçiləri mərhələ adlasa, o zaman 1/4 finalda eyni ilə ötən ilki kimi cütlüklər yaranacaq.

“Qəbələ” – “Sabah”
“Səbail” – “Zirə”
“Neftçi” – “Sumqayıt”
“Qarabağ” – “Keşlə”