Aktual mövzular: Dollar alış-satışı, Neftin qiyməti, COP29, Hava proqnozu

Azərbaycan Avropanın “Top-11”də - CƏDVƏL

Tarix: 23 Fevral 2024 19:30

Avropa Liqası və Konfrans Liqasında pley-off mərhələsi başa çatdıqdan sonra avrokubokların 1/8 finalçılarının tam tərkibi müəyyənləşib.

Sonxeber.net İdman.Biz-ə istinadən bildirir ki, artıq bu mərhələnin ilk oyunlarına yekun vurulduğu Çempionlar Liqası da daxil olmaqla üç turnirin kuboku uğrunda mübarizəni 48 komanda davam etdirir.

UEFA-ya üzv olan 55 ölkədən 54-nün qatıldığı mövsümdə yalnız 19 assosiasiyanın təmsilçiləri kuboklara iddiasını qoruyur. 35 ölkə üçün isə mövsüm artıq başa çatıb.

Yoluna davam edən "19-luq"da Azərbaycan da var. Ölkəmiz Avropa Liqasında "Qarabağ"la təmsil olunur.

Bu 19 ölkədən səkkizi üçüncü dərəcəli turnir olan Konfrans Liqasına ümidlidir. Qitənin ən güclü 2 turnirində təmsilçisi qalanların sayı isə 11-dir. Azərbaycan da bu köklü turnirlərin iştirakçıları sırasında olan "Top-11"dədir. Çempionlar Liqasında isə yalnız 8 ölkənin komandaları qalıb.

Çempionlar Liqasında isə İspaniya təmsilçiləri üstünlük təşkil edir - 4 klub. Bütün komandaları yoluna davam edən İtaliya 7 klubu kuboklar üçün mübarizə aparır. Yalnız üç ölkə - İtaliya, İngiltərə və Fransa hər üç turnirdə kuboka iddiasını qoruyur.

komandaları yoluna davam edən İtaliya 7 klubu kuboklar üçün mübarizə aparır. Yalnız üç ölkə - İtaliya, İngiltərə və Fransa hər üç turnirdə kuboka iddiasını qoruyur.

yer	Ölkələr	ÇL	AL	KL	Cəmi
1	İspaniya	4	1	0	5
2	İtaliya	3	3	1	7
3	Almaniya	3	2	0	5
4	İngiltərə	2	3	1	6
5	Portuqaliya	1	2	0	3
6	Fransa	1	1	1	3
7	Niderland	1	0	1	2
8	Danimarka	1	0	0	1
9	Çexiya	0	2	1	3
10-11	Şotlandiya	0	1	0	1
	Azərbaycan	0	1	0	1
12-14	Belçika	0	0	2	2
	İsrail	0	0	2	2
	Yunanıstan	0	0	2	2
15-19	Türkiyə	0	0	1	1
	İsveçrə	0	0	1	1
	Avstriya	0	0	1	1
	Norveç	0	0	1	1
	Xorvatiya	0	0	1	1