Aktual mövzular: Dollar alış-satışı, Məzənnə, Neftin qiyməti

"Bitcoin"in qiyməti kəskin aşağı düşdü

Tarix: 14 Aprel 2024 12:52

Yaxın Şərqdə artan gərginlik kriptovalyuta bazarlarına mənfi təsir göstərib.

Milli.Az publika.az-a istinadən xəbər verir ki, İranın pilotsuz uçuş aparatları və raketlərlə İsrailə hava hücumu təşkil etməsindən sonra "Bitcoin" kriptovalyutasının qiyməti kəskin ucuzlaşıb.

Coinmarketcap analiz şirkətinin məlumatına görə, "Bitcoin"in qiyməti son 24 saatda 5 faizdən çox ucuzlaşaraq 63 min 306 dollar səviyyəsinə düşüb.

Beləliklə, martın 14-də 73 min 750 dollarla bütün zamanların ən yüksək həddinə çatan "Bitcoin"in qiymətində bir aylıq eniş 13 faizi keçib.

"Ethereum" isə 8,9 faiz dəyər itirərək 2 min 937 dollara düşüb.

Qlobal kriptovalyuta bazarının dəyəri 24 saat ərzində 6,22 faiz azalaraq 2,29 trilyon dollar olub.

Milli.Az


Etiketlər:  Bitcoinin qiyməti kəskin aşağı düşdü


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ