Aktual mövzular: Dollar alış-satışı, Məzənnə, Neftin qiyməti

Yeni kukla teatrı açılıb (FOTO)

Tarix: 22 Noyabr 2019 02:20

Bakı. Trend:

Noyabrın 19-da Bakı Şəhər Mədəniyyət Baş İdarəsinin təşkilatçılığı ilə H.Abbasov adına Mədəniyyət Mərkəzində "Kilimarası” kukla teatrının açılışı olub.

İdarədən Trend-ə verilən məlumata görə, açılış zamanı "Min bir gecə" nağılları əsasında "Ələddin" tamaşasının premyerası keçirilib.

Tamaşanın premyerasında Bakı Şəhər Mədəniyyət Baş İdarəsinin rəisi Cəlil Məlikov, Mədəni Tədbirlərin Təşkili və Yaradıcı Gənclərlə İş Üzrə Mərkəzin direktoru Mircamal Camalov, 1 saylı və 11 saylı internat məktəblərinin şagirdləri, qəsəbə sakinləri iştirak ediblər.

Tamaşadan öncə Mədəniyyət Mərkəzinin foyesində kuklardan ibarət sərgi təşkil edilib və kilimarxasında bir necə tamaşadan kiçik parçalar təqdim olunub.

Yüksək səviyyədə və çox uğurla oynanılan "Ələddin" tamaşası alqışlarla qarşılanıb.