Aktual mövzular: Dollar alış-satışı, Məzənnə, Neftin qiyməti

Bu şəxslərə ƏDV-nin 30%-i geri qaytarılır

Bu şəxslərə ƏDV-nin 30%-i geri qaytarılır

Tarix: 12 Iyun 2024 15:32

2022-ci ildən etibarən həm evlərin, həm də obyektlərin alınması zamanı ödənilmiş ƏDV-nin 30 faizi vətəndaşa geri qaytarılır. Amma bir şərtlə ki, mənzil alan şəxsin bank hesabından tikinti şirkətinin bank hesabına köçürmə yolu ilə nağdsız hesablaşma olsun. Yəni burada mütləq şəkildə nağdsız hesablaşma olmalıdır.

Milli.Az xəbər verir ki, bunu Bakupost.az-a iqtisadçı ekspert Xalid Kərimli söyləyib.

O qeyd edib ki, yalnız bina tikintisi fəaliyyəti ilə məşğul olan şəxslərdən alınan yaşayış və qeyri-yaşayış sahələrinə görə ödənilən ƏDV-nin 30 faizi vətəndaşa geri qaytarılır. Hər hansı bir şəxsdən, agentlikdən alınan daşınmaz əmlaka bu qayda şamil olunmur.

Ekspertin sözlərinə görə, bəzən vətəndaşlar nağdsız ödəniş dedikdə bu prosesi market alış-verişi zamanı qaytarılan ƏDV ilə qarışdırırlar:

"Bu tamamilə başqa bir prosesdir. Bu proses birmənalı olaraq icra edilir, daşınmaz əmlakın ƏDV-sinin 30 faizi geri qaytarılır. Burada əsas məqam odur ki, məbləğ tam ödənilməlidir. Əgər ödəniş MTK-ya hissə-hissə köçürülürsə, ƏDV yalnız borc bağlanandan sonra geri qaytarılacaq".

Milli.Az


Etiketlər:  Bu şəxslərə ƏDV nin 30 i geri qaytarılır


RƏYLƏR



Populyar Xəbərlər

XƏBƏR LENTİ