Aktual mövzular: Dollar alış-satışı, Neftin qiyməti, COP29, Hava proqnozu

Zelenskidən Baydenin qərarına reaksiya

Tarix: 22 Iyul 2024 16:48

ABŞ Prezidenti Cozef Bayden dövlət başçısı postu uğrunda yarışdan çıxdığını elan edərək çətin qərar verib.

Sonxeber.net teleqraf.com-a istinadən bildirir ki, Ukrayna Prezidenti Volodimir Zelenski bu barədə özünün sosial media hesabında yazıb.

"Biz bugünkü çətin, lakin güclü qərara hörmətlə yanaşırıq", - deyə Volodimir Zelenski bildirib.

Xatırladaq ki, iyulun 21-də Cozef Bayden dövlət başçısı postu uğrunda mübarizədən geri çəkildiyini, lakin səlahiyyət müddətinin sonunadək vəzifədə qalacağını açıqlayıb. O, eyni zamanda prezident seçkilərində vitse-prezident Kamala Harrisin namizədliyini dəstəklədiyini elan edib.

Donald Trampın seçkidəki rəqibinin kimliyi Demokratlar Partiyasının avqustun 19-dan 22-dək Çikaqoda keçiriləcək qurultayında müəyyənləşəcək.

Respublikaçıların namizədi Donald Tramp dəfələrlə bəyan edib ki, Kamala Harrisə qalib gəlmək onun üçün daha asan olacaq.

Whatsapp ilə göndər