Aktual mövzular: Dollar alış-satışı, Neftin qiyməti, COP29, Hava proqnozu

Argentina Maduronun həbsinə order verilməsini tələb edir

Argentina Maduronun həbsinə order verilməsini tələb edir

Tarix: 7 Sentyabr 2024 16:22

Argentina Beynəlxalq Cinayət Məhkəməsinin (BCM) prokurorundan Venesuela Prezidenti Nikolas Maduronun həbsinə order verilməsini istəyib.

Milli.Az oxu.az-a istinadən xəbər verir ki, bu barədə Argentina Xarici İşlər Nazirliyinin Mətbuat Xidməti məlumat yayıb.

"İyulun 28-dən Venesuelada vəziyyətin pisləşməsini və bəşəriyyətə qarşı cinayət sayıla biləcək yeni əməllərin törədilməsini nəzərə alaraq, Argentina Respublikası BCM prokurorunu Nikolas Maduronun həbsinə order verməyə çağırır", - deyə nazirlikdən bildirilib.

Həmçinin Argentina Venesuela hökumətinin digər liderlərini də həbs etməyə çağırıb.

Əlavə edilib ki, etiraz notası sentyabrın 9-da prokurorluğa təqdim olunacaq.

Bəyanatda deyilir ki, Argentina Xarici İşlər Nazirliyi toplanmış sübutların yuxarıda qeyd olunan həbs qərarlarının verilməsinin etibarlılığını nəzərdən keçirmək üçün yetərli olduğuna inanır.

Milli.Az


Etiketlər:  Argentina Maduronun həbsinə order verilməsini tələb edir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ