Aktual mövzular: Dollar alış-satışı, Neftin qiyməti, COP29, Hava proqnozu
Tarix: 26 Oktyabr 2024 11:24
"Rosatom" Türkiyə prezidenti Rəcəb Tayyib Ərdoğandan Türkiyədə ikinci atom elektrik stansiyası tikmək təklifi alıb.
Sonxeber.net xəbər verir ki, bu barədə "Rosatom"un rəhbəri Aleksey Lixaçev RT-yə müsahibəsində bildirib.
"Bu, Türkiyə prezidenti cənab Ərdoğanın Rusiya prezidenti Vladimir Putinlə bizə etdiyi təklifdir və biz hazırda Türkiyədə mövcudluğumuzun mümkün genişləndirilməsi ilə bağlı hökumət səviyyəsində məsləhətlər aparırıq" - deyə Lixaçev bildirib.
Qeyd edək ki, Rusiya ilə Türkiyə arasında nüvə enerjisi sahəsində strateji əməkdaşlıq Mersində Türkiyənin ilk atom elektrik stansiyası olan "Akkuyu"-nun tikintisi layihəsi ilə başlayıb və bununla bağlı 2010-cu ildə müqavilə imzalanıb.
Nərmin Mahmudova