Aktual mövzular: Dollar alış-satışı, Neftin qiyməti, COP29, Hava proqnozu

Bu məktəbdə şagirdlər dərsə getmir, çünki..

Bu məktəbdə şagirdlər dərsə getmir, çünki..

Tarix: 5 Dekabr 2024 15:16

Quba rayonu, Dəyanət İsmayılov adına Çiçi kənd tam orta məktəbinin valideynləri məktəbdə işıq və istilik sistemlərinin olmaması səbəbindən narahatlıqlarını dilə gətiriblər.

Sonxeber.net xəbər verir ki, valideynlər bu səbəbdən uşaqlarını dərsə göndərməkdən imtina edirlər.

Sakinlər bildirirlər ki, keçən il məktəb tikildikdən sonra bir müddət sevinsələr də hal-hazırda vəziyyət dəyişib. "Dekabr ayı gəlib, hava soyuyub. 4-5 gündür uşaqları məktəbə buraxmıram, çünki xəstələnirlər".

Məsələ ilə bağlı Quba-Xaçmaz Regional Təhsil İdarəsindən verilən açıqlamada isə bildirilib ki, məktəb istilik sistemi kombi vasitəsilə təmin olunur. Lakin təhsil müəssisəsinin elektrik enerjisi ilə təchizatı ilə bağlı sənədləşmə məsələlərində problem yaranıb.

"Bu səbəbdən istiliklə təminatda müəyyən fasilələr yaranıb. Hal-hazırda məsələ ilə bağlı müvafiq qurumlarla birgə işlər görülür və problemi tezliklə həll etmək üçün tədbirlər görülür".

Aysel Əkbər


Etiketlər:  məktəbdə şagirdlər dərsə getmir çünki


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ