Elmira Səfərovanın 90 illiyinə həsr olunmuş konsert keçirilib - FOTOlar

Tarix: 23 Dekabr 2024 13:54

20 dekabr tarixində M.Maqomayev adına Azərbaycan Dövlət Akademik Filarmoniyasının səhnəsində Əməkdar incəsənət xadimi, professor, pedaqoq və pianoçu Elmira Səfərovanın 90 illiyinə həsr olunmuş konsert keçirilib.

Bədii rəhbər və baş dirijor Azərbaycan Respublikasının Əməkdar artisti Fuad İbrahimovun rəhbərliyi, Üzeyir Hacıbəyli adına Azərbaycan Dövlət Simfonik Orkestrinin müşayiəti ilə solistlər- Azərbaycan və SSRİ Xalq artisti Fərhad Bədəlbəyli (piano), Azərbaycan Respublikasının Xalq artisti Murad Adıgözəl-zadə (piano), Azərbaycan Respublikasının Əməkdar artistləri Gülşən Ənnağıyeva, Nərgiz Əliyarova, Elnarə Kəbirlinskaya dinləyicilər qarşısında çıxış edib.

Proqramda F.Chopin  piano və orkestr üçün 1 nömrəli konsert e-moll, (op.11, I hissə), J.Brahms piano və orkestr üçün 1 nömrəli konsert d-moll (op.15, I hissə), W.A.Mozart iki piano və orkestr üçün konsert Es-dur (KV. 365, 3 hissədə), S.Raxmaninov iki piano və orkestr üçün 2 nömrəli süita (op.17, III. Romans və IV.Tarantella) səslənib.