''Taliban'' Trampın bu çağırışını RƏDD ETDİ

Tarix: 22 Yanvar 2025 15:50

Əfqanıstanda hakimiyyətdə olan "Taliban" hərəkatı ABŞ prezidenti Donald Trampın çağırışını rədd edib.

Sonxeber.net xəbər verir ki, bu barədə "Bloomberg" mənbələrə istinadla məlumat yayıb.

Bildirilib ki, hərəkat milyardlarla dollar dəyərində olan Amerika silahlarını geri qaytarmaqdan imtina edib.

"Taliban" hesab edir ki, ABŞ nəinki silahları götürməməlidir, həm də "İslam Dövləti" terror təşkilatı ilə mübarizə üçün daha müasir vasitələr təqdim etməlidir.

Xatırladaq ki, Tramp bazar günü keçirilən mitinqdə Əfqanıstan tərəfini Amerika qoşunlarının orada qoyub getdiyi silah və avadanlıqları geri qaytarmasa, ona istənilən maliyyə yardımını dayandıracağı ilə hədələyib.

Qeyd edə ki, ABŞ hərbçiləri 20 ildən çox müddətdə Əfqanıstanda qaldıqdan sonra 2021-ci ildə tələsik şəkildə Əfqanıstanı tərk edərkən, dəyəri 7 milyard dollardan çox olduğu güman edilən hərbi texnika "Taliban" tərəfindən ələ keçirilib. /Publika.az