Rusiyalı müğənni axtarışa verildi

Tarix: 10 May 2025 21:05

Rusiya və Avstriya opera müğənnisi Anna Netrebko axtarışa verilib.

Sonxeber.net oxu.az-a istinadən xəbər verir ki, məşhuru axtaran məhkəmə icraçıları onun Sankt-Peterburqdakı mənzilinə kommunal işçilərinin buraxılmasını tələb edirlər.

Kommunal xidmət işçiləri müğənninin Soyuz Peçatnikov küçəsindəki mənzilinə girməyi planlaşdırırlar. Onlar evdə qeyri-qanuni tikinti prosesinin icra edilib-edilmədiyini yoxlamaq niyyətindədirlər.

Qeyd edilir ki, Sankt-Peterburqun Admiralteysk rayonu administrasiyası iki ilə yaxın idi bu qərarın qəbuluna nail olmağa çalışırdı.

Netrebko məhkəmənin tələbini yerinə yetirməyəcəyi halda hər ay 20 min rubl (400 manatdan çox) məbləğində cərimə tətbiq olunacaq.