''Açıq-saçıq geyimdə oynadığım VİDEOnu ''TikTok''da yaydılar''

Tarix: 30 Noyabr 2025 15:55

Rəqqasə Fatimə Fətəliyeva yenidən sosial şəbəkələrin müzakirə mövzusuna çevrilib.

Sonxeber.net xəbər verir ki, "Günə uğurla" verilişində qonaq olan sənətçi nəvəsinin 40 mərasimində rəqs etməsi ilə bağlı yayılan görüntülərə münasibət bildirib.

Fətəliyeva həmin məclisdə çəkilişin qadağan olunduğunu, yalnız yaxın adamların iştirak etdiyini deyib. Lakin buna baxmayaraq, musiqiçilərdən biri onun rəqsini çəkərək "TikTok"da paylaşıb.

Sənətçi hadisədən narazılığını belə ifadə edib:

"50 nəfərlik məclis keçirdik, çəkiliş qadağan olunmuşdu. Ancaq yaxınlar idi, özgə adam yox idi. Müğənni 'Qaragöz' mahnısını oxuyurdu, mən də rəqs etdim. Musiqiçilərdən biri çəkib "TikTok"da yayıb. Hər yerdə paylaşılırdı. Geyimim açıq-saçıq idi, kənardan baxanda özümün də xoşuma gəlmədi. Özümü belə görmək istəmirəm. Özüm-özümə baxıb əsəbiləşirəm".

Görüntülər sosial mediada geniş yayılıb və müxtəlif reaksiyalara səbəb olub. Rəqqasə isə şəxsi məclisdə çəkilişin icazəsiz yayımlanmasını doğru hesab etmədiyini bildirib.

Musa