Kirayə mənzil almaq istəyənləri ən çox maraqlandıran SUALLARA CAVABLAR

Tarix: 23 Dekabr 2019 23:52

Azərbaycan Respublikasının İpoteka və Kredit Zəmanət Fonduna müraciət edəcək vətəndaşlar Bakı və Bakıətrafı, o cümlədən Sumqayıt şəhərində yerləşən çoxmərtəbəli binalardan kirayə mənzillər ala biləcək.

Milli.Az baku.ws-ə istinadən xəbər verir ki, fonda müraciət edən vətəndaşlara heç bir faiz olmadan kirayə mənzillər təqdim olunacaq.

Kirayə mənzil layihəsindən yararlanamaq istəyən vətəndaşları ən çox maraqlandıran suallara cavabları təqdim edirik.

Kirayə alınacaq yaşayış sahəsinin maksimal alış qiyməti nə qədər olacaq? 

Fondun şərtlərinə və tələblərinə əsasən Sizin kirayə müqaviləsi üzrə aylıq ödənişinizin maksimal məbləği kredit tarixçənizin, gəlirlərinizin və xərclərinizin təhlili əsasında müəyyən edilir (müsbət, qənaətbəxş və ya mənfi kredit tarixçəsi ola bilər).

Gəlirlər və xərclər arasında hesablanan fərq nəticəsində yaranan xalis gəlirin məbləğinin əvvəlcədən müəyyən olunmuş faizi nisbətində aylıq ödənişin maksimal məbləği müəyyən edilir və buna uyğun olaraq Sizə müvafiq alış qiyməti ilə yaşayış sahəsini seçmək imkanı verilir.

Aylıq ödənişdən başqa əlavə ödəniş etmək olarmı?

Bəli, avans ödənişlər və yaşayış sahəsinin alış qiymətinin vaxtından əvvəl qismən ödənişlərini edə bilərsiniz: