Aktual mövzular: Dollar alış-satışı, Məzənnə, Neftin qiyməti

Almaniyada sürücü huşunu itirdi - tramvayı sərnişinlər dayandırdılar

Tarix: 28 Dekabr 2019 05:44

Bakı. Trend:

Almaniyanın Bonn şəhərində sürücüsü huşunu itirən tramvay sərnişinlər tərəfindən dayandırılıb.

Trend-in məlumatına görə, tramvay gecə saatlarında marşrut üzrə gedirmiş. Gecə saat 1-də nəqliyyat vasitəsi dayanacaqlarda artıq dayanmayıb. Sərnişinlər sürücü ilə əlaqə qurmağa çalışıb, amma heç kim cavab verməyib.

Daha sonra iki vətəndaş şüşəni qıraraq onun kabinasına daxil olub. Daxil olandan sonra onu huşsuz vəziyyətdə görüblər.

Qalan sərnişinlər tramvay sahibi olan nəqliyyat şirkəti ilə əlaqə saxlayıblar. Telefonda tramvayın necə dayandırılmağı onlara izah edilib. Ciddi xəsarət alan olmayıb.

Whatsapp ilə göndər