Avstraliyadakı meşə yanğını planetimiz üçün böyük təhlükədir

Tarix: 7 Yanvar 2020 19:20

Avstraliyada baş verən genişmiqyaslı meşə yanğınları nəticəsində milyonlarla canlının həyatını itirməsi ekosistemin kəskin şəkildə pozulmasına gətirib çıxarıb.

Sonxeber.net Trend-ə istinadən bildirir ki, bunu Ekologiya və Təbii Sərvətlər Nazirliyinin şöbə müdiri Rasim Səttarzadə bildirib.

R.Səttarzadə deyib ki, son illərdə dünyada baş verən meşə yanğınları insan tələfatı, minlərlə hektar meşə sahəsinin, yaşıllığın məhvi ilə nəticələnir. Qlobal iqlim dəyişmələri və antropogen fəaliyyətin güclənməsi nəticəsində meşələr, flora və fauna bir anda məhv olur.

Onun sözlərinə görə yüz milyonlarla fauna və floranın məhvinə gətirib çıxaran bu yanğın, təkcə bir ərazi üçün deyil, planet üçün böyük təhlükədir:

"Ümid edirik ki, tez bir zamanda yanğının qarşısı alınacaq".

Digər maraqlı xəbərlər Sonxeber.net-ın Facebook səhifəsində. Bizi "Telegram"da izləyin. ŞƏRH YAZ Tweet