Aktual mövzular: Dollar alış-satışı, Neftin qiyməti, COP29, Hava proqnozu

Rusiyada idarəçilik sistemi dəyişir

Tarix: 15 Yanvar 2020 17:44

Rusiya Prezidenti Vladimir Putin Federal Məclisdə dövlət başçısının səlahiyyətlərinin bir hissəsinin Dumaya verilməsini təklif edib.

Sonxeber.net qafqazinfo-ya istinadən xəbər verir ki, o, belə bir təkliflə təxminən 1 saat 12 dəqiqə davam edən müraciətində çıxış edib.

Məlumata görə, Rusiya parlamentinin Baş nazir, bütün Baş nazir müavinləri və federal nazirlərin namizədliyini təsdiqləmək hüququ qazanacağı gözlənilir.

Prezidentdən təklif olunan namizədlərin təsdiqlənməsi tələb olunacaq və onları rədd etmək hüququ olmayacaq.

Bundan əlavə, Putin qeyd edib ki, Prezidentin etimadını itirərsə və ya vəzifələrini lazımınca yerinə yetirməzsə, Baş nazir, onun müavinləri və digər vəzifəli şəxsləri vəzifəsindən kənarlaşdırmaq hüququ olmalıdır.

Dövlət başçısı silahlı qüvvələrə rəhbərlik etmək hüququnu özündə saxlayacaq.

Putin, eyni zamanda, Rusiyanın iki dəfədən çox müddətə Prezident seçilməsinin mümkünlüyü barədə müddəada "ardıcıl" sözünün çıxarılmasının müzakirə olunmasını təklif edib. Dövlət başçısının sözlərinə görə, o bunu əsaslı bir dəyişiklik hesab etmir və buna qarşı deyil.

Whatsapp ilə göndər