Aktual mövzular: Dollar alış-satışı, Neftin qiyməti, COP29, Hava proqnozu

Belçikada üç həkim evtanaziyaya görə mühakimə edilir

Tarix: 17 Yanvar 2020 06:30

2002-ci ildə Belçikada evtanaziya leqallaşdırılandan sonra ilk dəfədir ki, bu ölkədə üç həkim məhkəmə qarşısında cavab verməli olub.

Sonxeber.net AZƏRTAC-a istinadən bildirir ki, həmin həkimlər 2010-cu ildə 38 yaşlı bir qadını zəhərləməkdə ittiham edilirlər. Hərçənd bu hadisə xəstənin israrlı xahişlərindən sonra baş verib. Belə ki, ruhi pozuntulardan əziyyət çəkən bu qadın bir neçə dəfə intihar etməyə cəhd göstəribmiş.

Qadının ölümündən 6 ay sonra onun bacıları həkimlər tərəfindən qanuna riayət edilmədiyi barədə şikayət ediblər. Bacıların istinad etdikləri qanuna əsasən, psixoloji iztirablar səbəbindən evtanaziya yalnız o halda mümkündür ki, pasiyent dözülməz dərəcədə əzab çəkir, onun xəstəliyinin müalicəsi yoxdur. Tin adlı bu qadının bacıları isə iddia edirlər ki, onun vəziyyəti belə olmayıb. Onların sözlərinə görə, bacıları 15 ilə yaxın müddətdə ruhi əsəb xəstəxanasına düşməyib və onun "sağalmaz xəstə" olmasını, "dəhşətli dərəcədə əziyyət çəkməsini" demək mübaliğə olardı.

Whatsapp ilə göndər