Aktual mövzular: Dollar alış-satışı, Neftin qiyməti, COP29, Hava proqnozu

Psixiatriyada istifadə olunan bəzi dərmanlar kardioloji fəsadlar yaradır - Fuad İsmayılov

Tarix: 17 Yanvar 2020 16:24

Bakı. İlhamə İsabalayeva - Trend:

Psixiatriyada istifadə olunan bəzi dərmanlar yan təsirlər göstərərək kardioloji fəsadlar yaradır.

Trend-in məlumatına görə, bunu Psixi Sağlamlıq Mərkəzinin direktoru Fuad İsmayılov "Kardiologiya və psixiatriya: kardioloji pasiyentlərdə psixi pozuntuların profilaktikası" mövzusunda elmi-praktik konfransda çıxışı zamanı deyib.

Onun sözlərinə görə, digər tərəfdən bəzi kardioloji preparatlar psixi pozuntuların yaranmasına təkan verir:

"Məsələn, aritmiyaya qarşı preparatlar 100 faiz depressiya yarada bilir. Əgər infarkt olan xəstədə psixi pozuntular, depressiya varsa, o dərmanları vaxtında qəbul etməyəcək, müalicə rejiminə əməl etməyəcək. Təbii ki, bunun da nəticəsi pis olacaq".

F. İsmayılov əlavə edib ki, yaş artdıqca həm psixi, həm də kardioloji problemlər daha da çoxalır.

Trend-in ən mühüm və maraqlı xəbərlərini "Telegram"da izləyin

Whatsapp ilə göndər