Aktual mövzular: Dollar alış-satışı, Məzənnə, Neftin qiyməti

Turizm şirkətləri ilə bağlı reyestr məlumatları digər dövlət qurumları ilə mübadilə nəticəsində yenilənəcək

Turizm şirkətləri ilə bağlı reyestr məlumatları digər dövlət qurumları ilə mübadilə nəticəsində yenilənəcək

Tarix: 27 Yanvar 2020 17:28

Bakı. İlhamə İsabalayeva - Trend:

Turizm sahəsinin resursları və subyektləri haqqında müfəssəl məlumatların əldə etməsi, həmin məlumatlara çıxış imkanlarının müəyyənləşdirilməsi, həmçinin yeni turizm məhsullarının hazırlanması, habelə əsaslı turizm siyasətinin formalaşdırılması üçün “Turizm reyestrinin aparılma Qaydası” zəruridir.

Trend-in məlumatına əsasən, bu barədə “Turizm Reyestrinin aparılma Qaydası”nın təsdiq edilməsi barədə Azərbaycan Respublikası Nazirlər Kabinetinin Qərarına dair izahatda deyilir.

Bildirilir ki, Turizm Reyestri turizm şirkətləri üçün onların bazar strategiyalarının müəyyənləşdirilməsi baxımından olduqca əhəmiyyətlidir.

Turizm Reyestri bazar subyektləri, turizm resursları, turizm məhsulları barədə açıq məlumatları özündə ehtiva edəcək, turizm ehtiyatları modulu, turizm məhsulları modulu, turizm sənayesi subyektləri modulu, turizm statistika modulunda ölkədə mövcud olan mədəni, təbiət və digər turizm resursları təqdim ediləcək.

Turizm reyestrinin statistikası modulu çərçivəsində Turizm Reyestri istifadəçilərinə turizmlə bağlı gəlmə, getmə, daxili turizm haqqında statistik məlumatlardan istifadə etmək imkanı təmin ediləcək, həmçinin, turizm şirkətləri ilə bağlı reyestr məlumatları digər dövlət qurumları ilə real rejimdə mübadilə nəticəsində yenilənəcək.

İnteraktiv portalda turizm subyektləri üçün qiymətləndirmə - reytinq modulu fəaliyyət göstərəcək və modul əsasında turizm subyektlərinin təqdim etdiyi məlumatlar əlaqədar qurumların informasiya sistemləri ilə yoxlanılıb qiymətləndiriləcək, reytinq cədvəli hazırlanacaq, beləliklə onların daha yaxşı xidmət göstərməsi təşviq ediləcək.


Etiketlər:  Turizm şirkətləri ilə bağlı reyestr məlumatları digər dövlət qurumları ilə mübadilə nəticəsində yenilənəcək


RƏYLƏR



Populyar Xəbərlər

XƏBƏR LENTİ