Aktual mövzular: Dollar alış-satışı, Məzənnə, Neftin qiyməti

"Bir dəfə mənə Kasilyasın formasını hədiyyə etdilər" - Tibo Kurtua

Tarix: 28 Yanvar 2020 17:18

"Xəyalımı gerçəkləşdirmək, "Real"da oynamaq, 2 kubok qazanmaq və çempionluq uğrunda mübarizə aparmaq  çox gözəl hissdir. Hər gün Valdebebasa gələndə bu barədə düşünürəm. Gələcəkdə daha böyük sevinclər yaşamaq üçün çalışırıq".

Qol.az xəbər verir ki, bu sözləri "Real"ın qapıçısı Tibo Kurtua komandası haqda klubun saytına danışarkən dilə gətirib.

Belçikalı qolkiper "kral klubu" haqqında olan xatirələrinin  komandanın sabiq qapıçısı İker Kasilyasla bağlı  olduğunu deyib: "Real"ın barəsində ilk xatirələrim İker Kasilyasın oyunları ilə əlaqədardır. Uşaq ikən onu tanıyıb, komandanı izləməyə başlamışam. Anam fizioterapevt olub. Onun "Real" azarkeşi olan və matçlara gedən xəstəsi vardı. Bir dəfə mənə Kasilyasın formasını hədiyyə etdilər. O andan sonra həmişə bu komandanı izlədim və burada oynamağı arzuladım".

Qeyd edək ki, İ.Kasilyas 1998-2015-ci illərdə Madrid təmsilçisinin formasını geyinib.

Xatırladaq ki, T.Kurtua 2018-ci ildən "Real"da çıxış edir.

 


Etiketlər:  Bir dəfə mənə Kasilyasın formasını hədiyyə etdilər Tibo Kurtua


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ